AMBOT NGANO

AMBOT NGANO

by: Glenn "intot" Dino

Ambot Ngano!

Nga wala man untay laing trabaho

Magtuon ra, ug maminaw pagayo

Para inig exam pasar dyud sigurado

Ambot ngano!

Sayon raman unta ang mga lesson

Labi na kay na-ay libro nga gamitonon

Na doctor man gani si Rizal nga minos

Pa ang basahon sa ilang panahon

Ambot ngano!

Na-a man untay daghang libro

Naa pa dyuy internet kuno

Unsa pamay ginapangita ninyo?

Ambot ngano!

Nga naa man unta si tatay ug nanay

Pirmi man unta ga bantay

Naa padyud si titser maayo mo tudlo, dili pasaway

Ambot ngano!

Gipangutana ba ni ninyo?

Ngano ubos pirmi inyo grado?

Basig kamo, wala poy klaro!

Ambot ngano!

Sultihi daw ko ninyo

Kamo ba na-ay plano?

Sa inyong kinabuhi, asa kaha mo paadto?

Ambot ngano!

Pamalandungi daw ron

Murag Ok! ra ninyo karon

Pero basi magmahay unya mo pagabot sa panahon