GRADO

GRADO 
by: Glenn "intot" Dino

Unsaon pagdako sa grado

Kung ang imo ginabuhat kung unsa ray uso

Imbis project ug assignment buhaton

Tu-a sa internet cafe nagpakadlawon

Unsaon pagdako sa grado

Kung mga ginikanan nagsigi lag pabungolbungol

Imbis muadto sa titser para makig-isturya kay naguol

Didto nalang man hinuon sa silingan nagbagulbol

Unsaon pagdako sa grado

Kung ang istudyante mismo waypakabana

Bisag way nahibalan paghuman sa lesson bahala na -na!

Utro pud ang titser nga nagsigi lag ma-ma

Unsaon pagdako sa grado

Nga bisag paggreet ug good morning dili kabalo

Pagsulat sa pangalan, maayo pay kinder kay kama-o

Pagbasa paspas tuod pero walay klaro, pagpangutanon

ambot unsa to

Unsaon pagdako sa grado

Sige daw sulti-e ko ninyo

Importante ba ni para sa inyo?

O sige lang, bahalag permi zero